Metanverð
Verð á íslensku metani = 126 kr / Nm3
Verð á íslensku metani m.v. orkujafngildi 95-oktan bensíns ~ 120 kr/L .
Miðað við jafngildi orkuinnihalds: Einn Nm3 af 100% metani = 1,12 L af 95-oktana bensíni. Sjá orkugildi metans
Íslenskt metan er 125-130 oktan eldsneyti og með allt að 98% hreinleika.
Verð á íslensku metani hækkaði um um 6 kr/Nm3 1. september 2011 - hækkun í smásölu var vegna hækkunar á skilaverði til SORPU- sjá lið-5 í fundargerð SORPU
Metan eldsneyti er selt í einingunni normalrúmmetri , Nm3. Íslenska matanið er í allra hæsta gæðaflokki með allt að 98% hreinleika. Orkuinnihald í einni einingu (NM3) af íslensku metani er heldur meira en sem nemur orkuinnihaldi í einum lítra af 95-oktana bensíni. Á nýjum metan/bensínbíl getur þú ekið, hið minsta, jafn langt á einni einingu af metani (Nm3) og hægt er að aka sama bíl á einum lítra af 95-oktana bensini. Tölur frá framleiðendum gefa þó vísbendingu um að nýr metan/bensínbíll komist 4-6% lengri akstursvegalengd á einni einingu af metani (Nm3) en 95-oktana bensín getur skilað.
Sjá efnasamsetningu á íslensku metani við síðustu mælingu, CH4 = 97,525 % - hér
Nýir metan/bensínbílar nota heldur færri einingar af metan eldsneyti á akstri en sem nemur lítrum af 95-oktana bensíni ef valið er að aka á bensíni. Ávinningurinn af því að aka á metan eldsneyti í stað bensíns er því meiri en sem nemur verðmuni á einingaverði eldsneytanna - oft 4-6% meiri sparnaður í eldsneytiskostnaði en sem nemur verðmismuni á dæluverði.
Fyrstir hringinn
Katrín Júlíusdóttir, iðnaðarráðherra, ók síðasta spölinn í sögulegri hringferð dagana 24-26 júlí 2009, þegar Ómar Ragnarsson, fréttamaður, og Einar Vilhjálmsson, markaðsstjóri Metan hf., urðu fyrstir til að fara hringveginn á ökutæki knúnu íslensku eldnseyti - íslensku metani. Við komu á áfangastað skoðaði iðnaðarráðherra uppfærslu á bensínvél bílsins í metan/bensínvél, en nemenda á bílgreinasviði í Borgarholtsskóla uppfærðu bílinn sem þeir félagarnir óku á. Eftir uppfærslu á bílum með þessum hætti skapast val um að aka á metan eldsneyti einu og sér þótt val um að aka á bensíni sé eftir sem áður til staðar.
Giska sáttur við verðið
Össur Skarphéðinsson, núverandi utanríkisráðherra og fyrrverandi iðnaðarráðherra, er giska glaður á myndinni með verðið á íslenska metaninu. Og ekki þótti aksturinn á Mercedes Benz minna spennandi. Hermann Guðmundsson, forstjóri N1, stendur honum við hlið og leiðir Össur í sannleikann um öryggi metans og þann mikla og margþætta ávinning sem aukin notkun á íslensku metaneldsneyti hefur fyrir land og þjóð.
