English   |   Forsíða   |   Veftré   |   Hafa samband

Metanafgreiðsla

Metan eldsneyti er afgreitt er á tveimur stöðum á höfuðborgarsvæðinu í dag.

1)  Metanafgreiðsla í Reykjavík:  N1 á Bíldshöfða  - á leið niður Ártúnsbrekkuna: Þar eru alls fjórar dælur,  full þjónusta og sjálfsalar opnir allan sólarhringinn - áfyllitími er svipaður og fyrir bensín.  Á  Bíldshöfða er búið að leggja lagnir fyrir fleiri sjálfsala og unnt að margfalda fjölda þeirra á stuttum tíma. 

2)  Metanafgreiðsla í Hafnarfirði:  Sjálfsali við Tinhellu ( Breiðhellu) - staðsettur vestan við Héðinn - enginn starfsamaður er á vettvangi, sjálfsali opinn allan sólarhringinn. Um er að ræða færanlega gámastöð með sjálfsala.

Rétt er að árétta að metan/bensín fólksbílar hafa tvo eldsneytisgeyma, metan-og bensíngeymi. Fáar metanstöðvar á Íslandi í dag takmarka því ekki ferðafrelsi á metan/bensínbíl. Ef metanbirgðir klárast á akstri skiptir bíllinn sjálfkrafa yfir á bensíngeyminn án þess að ökumaður finni mun. Á næstu missrum og árum er ljóst að sjálfsölum og afgreiðslustöðum mun fjölga á Íslandi eins og um allan heim. Sem dæmi gætur eigandi á metan/bensínbíl farið með bíl sinn til meginlands Evrópu og ferðast vítt og breitt á ódýru og umhverfisvænu metaneldsneyti.

Á  Bíldshöfða ( á leið niður Ártúnsbrekku) er metanafgreiðslustöð í hæsta gæðaflokki. Áfyllingin er einföld og örugg og tekur mjög svipaðan tíma og áfylling á bensíngeymi.

1. Kort er sett í sjálfsalan eða greitt inni
2. Númer á dælu er valið.
3. Eldsneytislokið opnað - stútur fyrir metan eldsneyti er gjarnan við hlið inntaks fyrir bensín.
4. Snerli er snúið og metandælan losuð frá dæluhengi.
5. Með snerlinum er dælustúturinn víkkaður svo hann falli yfir inntaksstút bílsins.
6. Dælustúturinn er settur yfir inntaksstút bílsins.
7. Snerlinum er snúið svo dælustúturinn læsist við bílstútinn.
8. Ekki er þörf  á að halda í dæluna eftir að hún hefur verið fest við bílstútinn. 
9. Þrýst er á græna hnappinn (START) á sjálfsalanum og eldsneytið streymir sjálfkrafa yfir í metangeymi bílsins.
10. Sjálfvirkur búnaður greinir þegar metangeymirinn er fullur og dæling stöðvast.
11. Áður en dælan er losuð frá bílnum er þrýst á rauða hnappinn á sjálfsalanum (STOPP).  
12. Dælan er losuð frá bílstúti með því að snúa snerlinum til baka.
* Að lokum er dælunni komi aftur fyrir á dæluhengi sjálfsalans (stútinn) - sjá 4.
 
Ef ekki er ætlunin að fylla metangeyminn en hægt er að stöðva eldsneytiskaup hvenær sem er með því að þrýsta á rauða hnappinn á sjálfsalanum (STOPP).

Auðveldara getur þetta vart verið.  Að auki stafar minni hætta af áfyllingu á metani en bensíni og dísilolíu (sjá, öryggi metans) :

Þótt hætta á slysi s.s. eldhætta sé minni við afgreiðslu á metan eldsneyti en bensíni og dísilolíu ber öllum að far með gát á afgreiðslustöðum fyrir eldsneyti og virða reglur um reykingabann og meðferð elds nærri eldsneytisafgreiðslu.

 Sjá skilaboð frá N1 á Metandeginum 24.júní 2010.