Samstarfsverkefni
Kennsla í vélfræðum metanvél
Þann 9. september 2006 skrifuðu Metan hf og Borgarholtsskóli (BHS) undir samstarfssamning þar sem BHS tók að sér að hefja kennslu í vélfræðum metanvéla. Undirbúningur hefur staðið yfir undanfarna mánuði og hafa kennarar BHS m.a. útbúið viðamikið kennsluefni sem nýtast mun við kennsluna. Hlutverk Metan hf. í verkefninu er m.a. að styrkja kennara til náms og útvega og kosta breytingarbúnað í bíl þannig að nemendur geti breytt venjulegum bensínbíl í metanknúið vistvænt ökutæki. Sjá - Bíliðngreinar hjá BHS.
Verkefnið er m.a. styrkt af Þróunarsjóði Menntamálaráðuneytisins og Orkusjóði.
Metan í raforkuframleiðslu
Orkuveita Reykjavíkur og Metan hf. hafa sett upp orkuver sem knúið er metangasi og er uppsett afl um 840 kW. Áætluð framleiðsla á þessu ári eru 4,3 GWh. Orkuverið var tekið formlega í notkun föstudaginn 31. janúar 2003, og var það síðasta embættisverk Ingibjargar Sólrúnar Gísladóttur sem borgarstjóra, að ræsa raforkuverið. Sjá - frétt á mbl.is
Raforkan er framleidd með því að knýja gasvél sem gengur fyrir hauggasi, en hauggasið inniheldur að jafnaði 50-55% metan. Hauggasið myndast við niðurbrot á úrgangi og er safnað saman í lögnum sem liggja um sorphauginn í Álfsnesi. Fram til þessa hefur því gasi sem ekki nýtist á bíla verið brennt í brennara og síðan sleppt út í andrúmsloftið til að minnka frá því gróðurhúsaáhrif.
Við bruna í gasvélinni fæst umhverfisvæn orka og afgasið er hreinna en við bruna í brennara. Gasvélina má einnig knýja með oíu og mun hún þá nýtast sem vararafstöð á svæði Orkuveitunnar þegar og ef gasið verður allt notað til annarra þarfa.
Kostnaður við raforkuframleiðslu á þennan hátt er eilítið hærri en við hefbundna virkjun, en þátttaka Orkuveitunnar byggist á stefnu fyrirtækisins í umhverfismálum, þar sem gert er ráð fyrir nýtingu endurnýjanlegra orkugjafa.
Til framtíðar leggur Metan hf. höfuðáherslu á gasframleiðslu fyrir bíla og önnur farartæki og hyggst tvöfalda framleiðslu á metangasi innan tíu ára.
Stjórnvöld í Reykjavík og aðrir opinberir aðilar hafa sýnt metangasframleiðslunni verulegan áhuga.
Sjá einnig önnur skilaboð frá Orkuveitunni í júní 2010
Metan notað í iðnaði
Múli Bílréttingar og sprautun hefur notað metan í stað kolasíu við að þurka nýmáluð ökutæki frá árinu 2004 og hefur það verkefni gengið vel. Á vinnustaðnum er einungis notast við innlenda orku þar sem íslenska metanið leysir af hólmi innflutt eldsneyti sem annars er notað við sambærileg störf.
Árið 2002 hófu Borgarplast hf. og Metan hf. í sameiningu tilraun með notkun metans úr sorphaugnum í Álfsnesi í iðnaði. Verkefnið var styrkt af Orkusjóði og „Átaki til atvinnusköpunar“. Tilraunin fólst í að hreinsa hauggas, flytja það úr Álfsnesi í verksmiðju Borgarplasts hf. á Seltjarnarnesi og nota í stað olíu á einn ofn verksmiðjunnar. Tilgangurinn með verkefninu var margþættur, m.a. að kanna áhrif á vinnuumhverfi starfsmanna, hugsanleg áhrif á framleiðsluvörur og hvort grundvöllur væri fyrir lagningu leiðslu úr Álfsnesi út á Seltjarnarnes. Þeim sem stóðu að þessu verkefni er ekki kunnugt um að metan, sem upprunið er á sorphaugum, hafi verið reynt til slíkra nota áður.
Í tilefni af að þessu afmarkaða verkefni væri lokið voru Borgarplast hf. og Metan hf. með kynningu á helstu niðurstöðum verkefnisins fyrir Valgerði Sverrisdóttur iðnaðarráðherra, þann 11. júlí 2002.
Niðurstöður verkefnisins voru mjög jákvæðar og sýndu fram á það að metangas er góður kostur í iðnaði. Kemur það sérstaklega fram í bættu umhverfi starfsmanna þar sem metan kemur í stað olíu sem eldsneyti. Á heimasíði Borgarplast er finna eftirfarandi skilaboð ,, Fyrst fyrirtækja í heiminum að nota endurunnið hauggas (metan) í stað olíu sem orkugjafa á framleiðsluvélar og notað á framleiðsluvélanar í verksmiðjunni á Seltjarnarnesi. Hauggasið er unnið úr sorphaugum í Álfsnesi af Metan hf."
Metan í landbúnaði
Metan hf hefur átt gott samstarf við Landbúnaðarháskóla Íslands um rannsóknir á nýtingu á lífrænum úrgangi til metanframleiðslu (gasgerðar) -sjá hér
Metan hf hefur verið frumkvöðlum í landbúnaði innan handar við framleiðslu á metan eldsneyti úr mykju. Feðgarnir Jón Tryggvi og Guðmundur Stefánsson í Hraungerði í Flóa voru fyrstir bænda á íslandi til að framleiða metan eldsneyti með gerjun á mykju sem til fellur á búgarið þeirra - sjá skilaboð hér
