Ræktun á orkuplöntum
Víða um heim er orkuplöntur ræktaðar í þeim tilgangi að framleiða eldsneyti úr lífmassa þeirra. Líkindi standa til að hér á landi megi rækta ýmsar orkuplöntur í því skini. Eitt af því góða við framleiðslu á metani er að unnt er að framleiða metan úr öllu lífrænu efni og því er framleiðslan ekki skilyrt heimtum eða aðgengi að einni tergund af lífrænu hráefni.
Ef biggframleiðsla eykst í landinu fellur til hálmur sem er úrvals hráefni til metanframleiðslu, svo dæmi sé tekið. Sé hálmurinn nýttur til svepparæktar má nýta lífmassan sem til fellur þar.
Þannig má framleiða metan úr samblandi af lífrænum úrgangi sem til fellur í landbúnaði og öðrum lífmassa. Einnig mætti nýta úrgang frá fiskvinnslu eða kjötvinnslu í bland við ræktaðan lífmassa svo dæmi sé tekið. Ýmsar rannsóknir hafa verið gerðar og eru í gangi víða um heim í þessum efnum sem fróðlegt verður að fylgjast með og staðfæra að íslenskum aðstæðum eftir atvikum. Einnig hefur þróun verið hröð í heiminum á ýmsum gerðum smærri gasgerðarstöðva og spennandi að fygjast með þróun mála í þeim efnum. Þar fyrir utan búun við Íslendingar yfir dýrmætri þekkingu og reynslu þar sem hreinsistöðin á Álfsnesi er að mestu þróuð og smíðuð hér á landi.
Á Fræðaþingi landbúnaðarins 2010 voru flutt erindi á vegum Landbúnaðarháskóla Íslands ( Lbhí) þar sem kynntar voru rannsóknir sem varpa ljósi á tækifæri á þessu sviði :
I. Ræktun Orkujurta á bújörðum - forsendur og framtíðarhorfur. Þóroddur Sveinsson og Jón Guðmundsson frá LbhÍ.- sjá hér
II. Greining mögulegra landssvæða fyrir samþættingu landgræðslu og ræktun orkuplantna. Sigmundur Helgi Brink og Jón Guðmundsson frá Lbhí. - sjá hér
III. Gashæfni kúamykju og möguleikar metanvinnslu í Eyjafirði, Svanhildur Ósk Ketilsdóttir og Þóroddur Sveinsson, Landbúnaðarháskóli Íslands - sjá hér
Í riti Skógræktarfélags Reykjavíkur á árunum 2009 og 2010 er að finna ýtarlegar greinar um ýmsar belgjurtir sem til greina gæti komið að nýta í skógrækt, til uppgræðslu lands og öflunar á lífmassa sem nýta mætti til metanframleiðslu. Umhvefisráðuneytið er að kortleggja stærri svæði í landinu þar sem gróðurþekja er lítil sem engin og skoða möguleika á að nýta kosti belgjurta til uppgræðslu. Umræða um alaskalúpínuna hefur verið mikið upp á síðkastið og ástæða þykir til að stemma stigu við dugnaði hennar í íslenskri náttúru. Sitt sýnist hverjum, en skilaboðin þó ljós. Ýmsar plöntur hafa sýnt sig að vera hraðsprottnar á melum og söndum landsins.
Með stýringu og aðhaldi má gera mikið gagn í íslenskri náttúru með ræktun belgjurta
(yfir 13.000 tegundir til) eins og dæmi er um á Mýrdalssandi.
