Athygli vekur hvað Ford hefur tekið afgerandi við sér meðal bandaríska bílaframleiðanda. Á nýlegum lista frá NGVAmerika  er að finna fjölda tegunda og gerða af bílum sem nýtt geta metaneldsneyti í akstri með vélum frá FORD, GM, Chrysler og Honda, . Bæði er um að ræða ökutæki sem ganga eingöngu fyrir metaneldsneyti ( e. dedicated vehicles) eða ökutæki sem einnig geta nýtt bensín (e.bi-fuel) eða dísil ( e.dual-fuel) ef á þarf að halda. Algengt er að metan/bensínbíla og metan/dísilbílar ræsi sig á hefðbundnu eldsneyti en skipti svo sjálfkrafa yfir á metaneldsneyti fljótlega eftir ræsingu samkvæmt hitastillingu.

Innskot: Samkvæmt tölvurita metan/bensín leigubíls í Reykjavík sem ekið var 24.498 km frá nóvember 2010 til mars 2011 nam bensínnotkun bílsins um 3,6% af eldsneytisnotkuninni og metaneldsneyti um 96,4%, að sögn Guðmundar Einarssonar hjá Hreyfli. Öllum má því vera ljóst að þótt hlutfall bensínsnotkunar væri mun hærra en þetta er hér um að ræða gríðarlegan umhverfislegan heildarávinning enda losnar enginn CO2-af jarðefnauppruna (koltvísýringur af jarðefnauppruna) við bruna á íslensku metani. Vegna tenglanna hér að neðan e r rétt að áretta að öll ökutæki sem gang fyrir CNG-eldsneyti (e. Compressed Natural Gas) eða jarðgasi geta einnig gengið fyrir íslensku metani. Og það sem meira er ganga betur fyrir íslenska metaninu ef eitthvað er enda er það í hæsta gæðaflokki með allt að 98% hreinleika -sjá greinagerð frá verkfræðistofunni Mannvit.